UMNYANGO WEZOBULUNGISWA NOKUTHUTHUKISWA KOMTHETHOSISEKELO
Thina kilomNyango sizinikele ekuphrakthiseni imithethokambiso elandelako yeTjhejo laBantu Mantanzi ngaphandle kokuriyada. Sizokurhabisa ukufezekisa khona sizokufikelela emazingeni amukelekako naphezulu wokunikelwa kwemisebenzi kunye nekhwalithi ngokurhaba okukghonekako.
UKUBONISANA
Izakhamizi kufanele kuboniswane nazo ngamazinga nekhwalithi yemisebenzi yomphakathi eziyitholako begodu, nakukghonekako, kufanele zinikelwe ithuba lokukhetha ngemisebenzi enikelwako.
Kufanele uqiniseke bona ukuBonisana kwenziwa ngokujwayelekileko begodu ngerherho, ukukghonakalisa i-ofisi ukukhambisana neendingo zamakhastama.
AMAZINGA WOMSEBENZI
Izakhamizi kufanele zitjelwe ngezinga kunye nekhwalithi yemisebenzi yomphakathi ezizayithola khona zizakwazi bona zilindele ini.
Unesibopho nokuziphendulela esibethamthethweni ekufezakaliseni umthethomgomo wombuso, ngakho-ke utlhoga ukuqiniseka bona imisebenzi inikelwa ngezinga elamukelekako kumakhastama.
UKUFIKELELEKA
Zoke izakhamizi kufanele zibe nokufikelela okulinganako emisebenzini ezifaneleko.
Kufanele unqophise bewubeke lokho okuhloswe bona kwenziwe khona kuzakungezelela ngokuragela phambili ukufikeleleka kilabo abangakhenge bathole mathuba ngaphambilini, isibonelo, abantu abarholopheleko. Utlhoga ukuqiniseka bona zoke iinliyo ekufikeleleni ziyasuswa.
IHLONIPHO
Izakhamizi kufanele ziphathwe ngehlonipho nokucatjangelwa.
Uzakutlhoga ukuqiniseka bona amarhelo wokuziphatha womNyango afaka amazinga weendlela zokuphathwa kwamakhastama.
ILWAZI
Izakhamizi kufanele zinikelwe ilwazi elizeleko nelinembileko mayelana nemisebenzi yomphakathi okufanele ziyithole.
Ilwazi kulithulusi elinamandla khulu elitholwa makhastama ekusebenziseni amalungelo wawo ekutholeni imisebenzi emihle. Ama-ofisi kufanele anikele ngelwazi elizeleko, elinembako nelitjha mayelana nemisebenzi ayinikelako.
UKUVULEKA KUNYE NOKUNGAFIHLI LITHO
Izakhamizi kufanele zitjelwe ngokuthi ama-ofisi wesiTjhaba nesiFunda akhanjiswa njani, adla malini nokuthi ngubani owaphetheko.
Akusi makhastama wangaphandle kuphela okufanele athole ilwazeli kodwana nabasebenzi bangaphakathi kufanele balithole. Ilawulo kufanele libe njengencwadi evulekileko. Ufanele unikele ilwazi ngokwenza kwakho mayelana namazinga abekiweko wokukhuphula ukulethwa kwemisebenzi ethuthukileko, ukubulungwa kweemali kunye nokungezelelwa kwekghono. Imininingwana yamalunga wabasebenzi neenkhulu eziphezulu kufanele ingabi yifihlo.
UKULUNGISWA
Nayikuthi amazinga athenjisiweko wemisebenzi akhange afikelelwe, kufanele kunxanxabezwe ezakhamizini, ihlathululo ezeleko kunye nentatha yamsinya nephumelelisako begodu nakwenziwa iinghonghoyilo, izakhamizi kufanele zithole ipendulo enezwelo nehle.
Ikghoneko kunye nokufuna ukuthatha igadango izinto nazingakhambi kuhle kuyinto eqakathekileko ekambisweni yokubekwa kwamazinga. Uzakutlhoga ukukhuthaza umbiko obuyako e-ofisini lakho.
UKUSEBENZISWA KUHLE KWEEMALI
Imisebenzi yomphakathi kufanele inikelwe ngokonga nangekghono khona kuzakunikelwa izakhamizi ukubulungwa okukhulu kweemali.
Uzakubawiwa bona utjho iindawo lapho ukubulunga kufuneka khona begodu nokulethwa kwetuthuko emisebenzini engaba mphumela wokufikelelwa kokubulunga. Imalakho kufanele isetjenziswe ngokuhlakanipha.
Umthethokambiso ohlahlako wemisebenzi yomphakathi kuzakuba ngiloyo wemisebenzi ebantwini
